Кулун тутар 3 күнүгэр, Н.И.Прокопьев аатынан Хатыы орто оскуолатыгар сылын аайы ыытыллар Иванов Дмитрий Нилович – Кылыыһыт Миитэрэй кэриэһигэр аналлаах «Өбүгэм кистэлэҥ күүһэ» атах оонньуутугар оройуоннааҕы аһаҕас турнир ыытылынна.
Бу турнир Кылыыһыт Миитэрэй сиэннэринэн – Иванов Дмитрий Иванович, Васильева Мария Ивановна көҕүлээһиннэринэн Кылыыһыт Миитэрэй дойдутугар Хатыыга ыытыллыбыта үһүс сыла.
Турнир чөл олоҕу пропагандалыыр, өбүгэ саҕаттан тиийэн кэлбит атах оонньуутугар эдэр ыччаты уһуйар сыаллаах – соруктаах.
Күрэххэ кыттыыны ыла кэллилэр: Михаил Васильевич Мегежекскэй аатынан Маалыкай, Василий Иванович Максимов аатынан Малдьаҕар, Алексей Федорович Алексеев аатынан Чуукаар орто оскуолаларын хамаандалара.
Бу турнир чэрчитинэн чирлидиҥҥэ күрэх эмиэ 3 сылын ыытылынна.
Турнир аһыллыыта Норуот эмчиттэрин ассоциациятын чилиэнэ, «Аар Айыы» итэҕэлин уон биирис кэрдиистээх алгысчыта, үрдүкү категориялаах норуот эмчитэ Иннокентьева Алиса Михайловна алгыс тылынан саҕаланна.
Оскуола директора Николаев Леонид Александрович, олохтоох дьаһалта баһылыгын солбуйааччы Яковлев Иннокентий Семенович, «Кистэлэҥ күүс» сурунаал редактора Платонова Марина Спиридоновна – Хомпорууна,международнай кылаастаах Российскай Федерация кикбоксаҕа спордун маастара, Республиканскай категориялаах бокса судьуйата, физическэй культура туйгуна Уваров Алексей Юрьевич, «Нидстрой» компания генеральнай директора Тевянов Герман Николаевич, Куприн Николай Мирославович, Чуукаар оскуолатын английскай тылыгар учуутала Хабарова Клара Витальевна тыл эттилэр, кыттааччыларга ситиһиилэри баҕардылар, эти – хааны эрчийиэн, сымса, тулуурдаах, дьулуурдаах буоларга үөрэтэр өбүгэ кистэлэҥ күүһүн баһылааҥ диэн баҕа санааларын эттилэр.
Атах оонньуутугар 21 оҕо 4 оскуолаттан, сааһынан 2 бөлөҕүнэн күөн көрүстэ.
Кылыыга — 2002-2003 с.т.- 1 м- Васильев Айаан (Чуукаар), 2 м- Гуринов Эрчим (Чуукаар), 3 м- Давыдов Петр (Чуукаар). 2000-2001 с.т.- 1 м.- Шарин Айсен (Хатыы), 2 м.- Ксенофонтов Кэскил (Хатыы), 3 м.- Сергеев Гаврил (Чуукаар).
Буурга — 2002-2003 с.т.- 1 м.- Давыдов Петр (Чуукаар), 2 м.- Васильев Айаан (Чуукаар), 3 м.- Гуринов Эрчим (Чуукаар). 2000-2001 с.т.- 1 м.- .- Шарин Айсен (Хатыы), 2 м.- Ксенофонтов Кэскил (Хатыы), 3 м.- Сергеев Гаврил (Чуукаар).
Кылыыга — 2002-2003 с.т.- 1 м.- Гуринов Эрчим (Чуукаар), 2 м.- Васильев Айаан (Чуукаар), 3 м.-Босоев Михаил (Чуукаар). 2000-2001 с.т.- 1 м.- .- Шарин Айсен (Хатыы), 2 м.- Сергеев Гаврил (Чуукаар), 3 м.-Ксенофонтов Кэскил (Хатыы).
Үс көрүҥ түмүгүнэн — 2002-2003 с.т.- 1 м.- Васильев Айаан (Чуукаар), 2 м.- Давыдов Петр (Чуукаар),3 м.- Гуринов Эрчим (Чуукаар). 2000-2001 с.т.- 1 м.- Шарин Айсен (Хатыы), 2 м.- Ксенофонтов Кэскил (Хатыы), 3 м.-Сергеев Гаврил (Чуукаар).
Чирлидинг курэҕэ — 1 м.- “Мэҥэдьэк мэниктэрэ” (Хатыы), сал. Григорьева М.А., Слепцова М.В., 2 м.- WBG (Чуукаар), сал. Хабарова К.В.
Эти-хааны эрчийэр, сымса, тулуурдаах буоларга үөрэтэр өбүгэ оонньуулара түмүктэннилэр. Баҕарабыт күрэх тэрийээччилэригэр, кыттааччыларыгар, ыалдьыттарбытыгар үөрэххэ, үлэҕэ, спорка өссө чаҕылхай ситиһиилэри. Эһиил көрсүөххэ диэри!
