Воскресенье, 16.08.2020, 02:12
Приветствую Вас Гость | RSS

МОУ Хатынская СОШ

Меню сайта
Статистика

20:42
"Прощай сезон чудес!" лаа5ырдар слеттара
Балаҕан ыйын 26 күнүгэр оскуолаҕа сайыҥҥы бириэмэҕэ үлэлээбит лааҕырдар слеттара буолан ааста. Барыта 4 лааҕыр кытынна. Слет аһыллыытыгар лааҕырдар парадтаан киирдилэр, рапорт эттилэр, девизтарын речевкаларын иһитиннэрдилэр. «Хатан-Мэҥэдьэк» лааҕыр командира Макаров Егор чуор куолаһа залы бүтүннүү ылан кэбистэ, дьэ кырдьык, команданы тутар командир буолла. «Мин лааҕырым саамай үчүгэй» презентация күрэ5эр слайданан кэпсээтилэр. «Чэчик» этэрээт оҕолоро Улахан Күөлгэ, Озернайга бара сылдьан, мамонт тииһин булбуттарын, дьэдьэн отону ылгаабыттарын, төрүттэрбит олоро сылдьыбыт сирдэринэн кэрийэн үөрэтэн кэлбиттэрин кэпсээтилэр. «Арай биирдэ…» театрализованнай шуточнай представление түһүмэҕэр лааҕырга сылдьар кэмнэригэр күлүүлээх түгэннэр буолбуттарын көрдөрдүлэр. «Үнүгэс» лаа5ыр уолаттара салайааччылара өрүскэ бара сылдьыахпыт эрэ диэбитигэр ымсыыран, буһа-хата сайыны быһа үлэлээбиттэр онтон кыайан барбатахтарыттан хомойбуттарын, ол эрэн санааларын түһэрбэтэхтэрин, эһиил эмиэ сылдьыахпыт, оччоҕо баҕас барыахпыт диэбиттэрин күлэ-үөрэ көрдүбүт. «Костер тула ырыалар» музыкальнай күрэххэ «Хоһуун» эколого-туристическай палаточнай лааҕыр уолаттара, Эр Бэртэрэ Виталий Очиров «Айыыларым арчылааҥ» ырыатын ыллаатылар. Ыраах сиринэн тэлэһийэн сылдьар уолаттарбытыгар саамай сөптөөх ырыа эбит, Үрдүкү Айыыларбыт уолаттарбытын үөһэттэн көрө сылдьан араҥаччылыы, арчылыы сылдьыахтара. Маҥнайгы слеппут олус бэккэ, биир тыынынан ааста, оҕолорбут да сүрдээх талааннаах, биир сомоҕо курдуктарыттан санаабыт көтөҕүллэн, кэнчээри ыччаттарбытын алҕаан туран тарҕастыбыт. Түмүккэ: 1 миэстэ – «Хоһуун» эколого-туристическай палаточнай лааҕыр, салайааччы Николаев Л.А. 2 миэстэ – «Хатан - Мэҥэдьэк» семейнай лааҕыр, салайааччы Иванов Н.М. 3 миэстэ – «Үнүгэс» овощеводческай лааҕыр, салайааччы Ефремова В.Н. «Көхтөөх кыттыытын иһин» - «Чэчик» этэрээт оҕолоро салайааччы Кириллина А.В. буоллулар. Лааҕыр саамай көхтөөх оҕолоругар оскуола аатыттан грамота туттарылынна.
Просмотров: 471 | Добавил: xatysosh | Рейтинг: 0.0/0
Всего комментариев: 0
Имя *:
Email *:
Код *:
Поиск
Календарь
«  Сентябрь 2014  »
ПнВтСрЧтПтСбВс
1234567
891011121314
15161718192021
22232425262728
2930